屯門公園近年被一眾唱歌跳舞嘅大媽，同埋睇佢哋唱歌跳舞嘅伯父佔領，令原本恬靜嘅公園，變咗成個大富豪咁熱鬧。有網民就喺今個周六（7月6日）發起「光復屯門公園」行動，由屯門新墟遊行至屯門公園，表達處理噪音滋擾等訴求。發起網民表示，希望「光復屯門公園，還我乾淨香港」，佢仲提醒大家去到公園「預防禽流感，勿摸活家禽」！
係呀，公園真係好多唔同品種嘅雀鳥，有興趣參與觀鳥活動嘅市民，記得眼看手勿動， 唔好隨便摸雞隻嘅尾部，更加唔好隨便攞自己隻雀出嚟，聽聞之前有位伯伯就係撚雀撚得興奮得滯，最後俾人送咗入醫院，兄弟小心呀～